Modelja dhe prezantuesja sportive Cindy Marina po shkon drejt altarit me djalin e Jozefina Topallit, Genar Topalli. Prezantuesja ka organizuar festën e beqarisë me mikeshat e saj në Amerikë, ku qëndron prej disa ditësh.
Nga story-t e postuara nga vajzat duket se ato kanë zgjedhur një klub luksoz, në të cilin kanë ndezur atmosferën.
Cindy duket se ka zgjedhur që në këtë festë të veshë një mini fustan të bardhë elegant, të kombinuar me një kapele kauboj të bardhë, duke reflektuar stil dhe klas.
Në një nga momentet e postuara në “InstaStory-n” e saj, modelja shfaqet duke hyrë në club brenda një kutie “Barbie” me shishen e shampanjës në dorë, e shoqëruar nga disa djem, për të vënë në vend traditën e festës së beqarisë. Gjithçka ishte e kuruar në detaje për të krijuar një atmosferë magjepsëse dhe plot ekstravagancë.
Por ‘çmenduritë’ e beqarisë nuk kanë mbaruar me kaq. Siç kuptohet nga postimet e shoqërisë, festa ka vazhduar edhe gjatë ditës në një jaht luksoz, ku nusja dhe të ftuarit kanë shijuar një ditë mes luksit, detit dhe pamjeve mahnitëse.
Ka qenë vetë nusja, Cindy Marina, ajo e cila ka bërë me dije se së shpejti do të shkojë drejt altarit me Genar Topallin. Në llogarinë e saj në “Instagram”, ajo ka postuar ftesat e personalizuara për vajzat që do ta shoqërojnë në ditën e saj më speciale, duke treguar se edhe çdo detaj i dasmës së saj do të jetë po aq luksoz dhe i menduar me kujdes./k.k
