E ndërtuar nga gjashtë limuzina Cadillac El Dorado të vitit 1976, The American Dream është mbi 30 metra i gjatë dhe ka hapësirë të mjaftueshme të brendshme për të akomoduar deri në 75 persona. Megjithatë, nuk është mjeti më i lehtë për t’u manovruar. I ndërtuar fillimisht në vitin 1986 nga koleksionisti dhe personalizuesi i njohur i makinave, Jay Ohrbeg, The American Dream ishte vetëm 18 metra dhe fuqizohej nga një palë motorë V8.
Ohrberg më vonë zgjeroi automjetin e tij unik në një gjatësi të madhe 30.5 metra. Guinness e njohu The American Dream si makinën më të gjatë në botë në vitin 1986 dhe limuzina gjigante u shfaq në kopertinën e disa revistave, në shfaqje televizive dhe madje edhe në filma, por ngritja e saj u pasua nga një rënie e papritur e popullaritetit. Ai përfundoi i braktisur në pjesën e pasme të një magazine në New Jersey për dekada të tëra.
Sot, The American Dream është kthyer në makinën magjepsëse si dikur, me 26 rrota të reja, bojë të freskët dhe disa centimetra shtesë, falë përpjekjeve të Michael Dezer dhe Michael Manning, të cilët e gjetën atë të listuar në internet dhe vendosën ta blejnë dhe ta restaurojnë. Me 30.5 metra, The American Dream është makina më e gjatë në botë.
Kjo limuzinë ultra e gjatë përmban një pishinë, xhakuzi dhe vaskë. Manning thotë se ka hapësirë të mjaftueshme për të akomoduar deri në 75 pasagjerë të rritur. Por edhe pse makina më e gjatë në botë është teknikisht funksionale, ju mund ta drejtoni atë vetëm në rrugë të drejta. Kjo pasi kthimi i sigurt i automjetit është i pamundur në shumicën e rrugëve. Ju mund ta admironi nga afër në muzeun e makinave, Dezerland Park Orlando, në Orlando, Florida./ SM
