Lazio i ka dhënë një tjetër mundësi skuadrave që ndjekin Napolin në luftën për titullin kampion, teksa ka ndalur në barazimin 2-2 kryesuesit e Serisë A, duke mos i lejuar që të arratisen përsëri të vetëm.
Ndeshja mes dy skuadrave ishte shumë e luftuar dhe ka dhuruar spektakël pasi shpejt vendasit gjetën avantazhin me gjuajtjen e Isaksen, por u barazuan nga Raspadori pas pak minutash.
Përballja ishte e hapur me raste nga të dy ekipet, derisa erdhi autogoli i Marusic pas një devijimi të dyfishtë të pafat në zonë. Napoli u kthye në mbrojtje të këtij rezultati, por vendasit ngulmuan dhe gjetën barazimin me anë të Dia, i cili vulosi shifrat 2-2 në minutën e 87-të të ndeshjes./ D.C
