Akuzat, gjuha e përdorur dhe “ftohja” mes Presidentit të SHBA Donald Trump dhe Volodymyr Zelensky ka shkaktuar shqetësim global. Në një analizë të gjatë CNN argumenton se fituesi i vetëm nga këto përplasje është padyshim Rusia.
Akuzat, gjuha e përdorur dhe “ftohja” mes Presidentit të SHBA Donald Trump dhe Volodymyr Zelensky ka shkaktuar shqetësim global. Në një analizë të gjatë CNN argumenton se fituesi i vetëm nga këto përplasje është padyshim Rusia.
Pyetja që shtrohet është nëse debati mes Zelenskyt dhe Trump do të shkatërrojnë shpresat për paqe në Ukrainë me ndërjetësimin e SHBA-së apo do e ndihmojë atë?
Fjalori i përdorur dhe epitetet e vendosura nga Trump për Zelenskyn ishin të rënda. Ai e quajti atë një “diktator pa zgjedhje”, i kërkoi të shkonte në zgjedhje nëse dëshiron të marrë pjesë në negociata, ndërsa la të kuptohej edhe “zhdukjen” e gjysmës së 350 miliardëve dollarë që SHBA i dha Ukrainën.
Deklaratat publike të presidentit ukrainas duket se i kanë hedhur benzinë zjarrit, veçanërisht pas kritikave të tij për mungesën e Kievit në bisedimet SHBA-Rusi në Riad. Ndihmësit e Trump kanë qenë prej kohësh të frustruar me bezdinë e tyre “të tejmbushur” kur dëgjuan Zelenskyn të thoshte se presidenti amerikan “po jeton në një flluskë dezinformimi”.
Kjo akuzë e shqetësoi vetë Trumpin, i cili u tha bashkëpunëtorëve me të cilët ndodhej në Florida se donte të përgjigjej menjëherë, vendim që çoi në postimin agresiv në Truth Social teksa po shkonte për në klubin e tij të golfit në Miami.
Për herë të dytë, Trump përsëriti të njëjtat akuza dhe më të ashpra, teksa foli me qindra njerëz që merrnin pjesë në një konferencë investimesh në Miami të financuar nga fondi i pasurisë sovrane të Arabisë Saudite.
“Është një zhgënjim. Ekziston një ndjenjë se kjo luftë e egër duhet të ndalet dhe ky moment po zvogëlohet përmes deklaratave publike të Zelensky”, tha një zyrtar i Shtëpisë së Bardhë.
Megjithatë, sipas mendimit të Zelensky, fundi i luftës që Trump parashikon është shumë i ngjashëm me atë që po kërkonte Rusia , pasi zyrtarët e qeverisë amerikane tashmë janë shprehur kundër pranimit të Kievit në NATO, duke deklaruar se trupat amerikane nuk do të ndihmojnë në garantimin e sigurisë së Ukrainës kur të përfundojë lufta. Siç thotë presidenti ukrainas, pikërisht për këto arsye ai nuk mund të përmbahet dhe s’mund të kursejë akuzat ndaj SHBA.
Kjo ishte paraprirë nga disa muaj përpjekjesh nga ana e Zelensky për të shmangur një ftohje me Donald Trump. Në këtë kontekst, ai u takua me të para zgjedhjeve, nëntorin e kaluar, me qëllim që të zbuste skepticizmin e kandidatit të atëhershëm republikan në lidhje me përfshirjen e SHBA-së në luftë.
Në takimin në Kullën Trump në Manhattan, presidenti aktual amerikan tha se “kam një marrëdhënie shumë të mirë me liderin ukrainas dhe me Vladimir Putin”.
Ndërsa Zelensky i tha aso kohe që: “Shpresoj që të kemi më shumë marrëdhënie të mira,” kurse Trump iu përgjigj, “por, e dini, duhen dy për tango”. Shumë nga aleatët e Trump thanë se Zelensky duhet ta kishte parashikuar zemërimin e Trump.
“Ideja që Zelensky do të ndryshonte mendjen e presidentit duke e keqtrajtuar atë në mediat publike, kushdo që e njeh presidentin do t’ju thotë se kjo është një mënyrë e tmerrshme për t’u marrë me këtë administratë,” tha zëvendëspresidenti amerikan J.D. Vance për Daily Mail.
Zyrtarët e Shtëpisë së Bardhë këmbëngulin se qëllimi kryesor, ndoshta i vetëm, i Trump është t’i japë fund konfliktit tre-vjeçar në Ukrainë, për të cilin ai beson se u keqpërdor nga administrata e mëparshme.
Shprehja që ai ka thënë është karakteristike: “Nuk më intereson aq shumë asgjë tjetër veçse të ndaloj vrasjen e miliona njerëzve”. Megjithatë, është e paqartë, sipas CNN, se si ai do e arrijë këtë qëllim, teksa në të njëjtën kohë keqpërdor Zelensky dhe rreshtohet me pozicionet ruse.
Disa këshilltarë të Trump argumentojnë se një arsye pas shpërthimit të Trump është të frikësojë Evropën që të japë më shumë para për të mbrojtur Ukrainën.
“E shihni, ka një metodë për çmendurinë,” tha një burim, duke cituar lajmet se Danimarka ishte zotuar të rrisë shpenzimet e saj të mbrojtjes. “Nëse vendet e tjera evropiane përgjigjen sa gjysma e Danimarkës, atëherë kjo është një fitore e madhe”, shtoi në të njëjtën mënyrë një këshilltar i presidentit amerikan./K.K
