Këshilltari për sigurinë kombëtare të Shtëpisë së Bardhë, Mike Waltz ka deklaruar se presidenti ukrainas Volodymyr Zelensky duhet të kthehet në tryezën e bisedimeve dhe të arrijë një marrëveshje për aksesin e SHBA-së në mineralet kritike të Ukrainës.
“Zelensky duhet të kthehet në tryezën e bisedimeve dhe të arrijë një marrëveshje për aksesin e SHBA-së në mineralet kritike të Ukrainës” tha ai
Të mërkurën, Zelensky hodhi poshtë kërkesat e SHBA për të dhënë një pjesë të mineraleve të saj të tokës së rralla një “marrëveshje” që Trump tha se do të pasqyronte sasinë e ndihmës që SHBA i kishte ofruar Ukrainës gjatë luftës së saj me Rusinë.
Sipas Waltz Shtëpia e Bardhë ishte “shumë e frustruar” me Zelensky-in pasi kishte ofenduar presidentin e SHBA-së Donald Trump në fillim të kësaj jave dhe kjo gjë ishte e papranueshme.
Ukraina ka depozita të mëdha elementesh dhe mineralesh kritike, duke përfshirë litiumin dhe titanin si dhe depozita të konsiderueshme të qymyrit, gazit, naftës dhe uraniumit, një furnizim me vlerë miliarda dollarë.
Më herët të enjten, Waltz sugjeroi që aksesi i SHBA-së në mineralet e rralla në Ukrainë mund të shkëmbehej në këmbim të ndihmës ose edhe si kompensim për mbështetjen që SHBA ka dhënë tashmë.
“Ne i paraqitëm ukrainasve një mundësi të jashtëzakonshme dhe historike,” tha këshilltari, duke shtuar se do të ishte “e qëndrueshme” dhe “garancia më e mirë” e sigurisë që Ukraina mund të shpresonte.
Por Zelensky e kishte refuzuar ofertën, duke thënë: “Unë nuk mund ta shes shtetin tonë”./E.T
