Kryeministri Edi Rama në një intervistë për mediat greke ka folur edhe për marrëveshjen me homologen italiane, Giorgia Meloni, lidhur me ngritjen e qendrave të emigrantëve në Shqipëri.
E pyetur nëse Shqipëria ka përfitime financiare nga kjo marrëveshje, Rama shprehet se ne nuk kemi kërkuar para dhe nuk ka asnjë fitim në këtë marrëveshje për ne. “Ne po e bëjmë këtë nga një ndjenjë detyrimi ndaj Italisë, e cila na ka mbështetur shumë që nga dita e parë që vendi ynë u hap me botën”, shprehet Rama.
Keni bërë një marrëveshje me kryeministren e Italisë, znj. Meloni, për çështjen e refugjatëve. Ka pasur disa kundërshtime nga drejtësia italiane. Kishte disa që e kritikuan, duke thënë se është njësoj si vendet më të pasura që paguajnë vendet më të varfra për të bërë atë që nuk duan të bëjnë në oborrin e tyre. Çfarë keni për të thënë për këtë?
Nuk është kështu, sepse nuk ka asnjë pagesë. Ne nuk kemi kërkuar para dhe nuk ka asnjë fitim në këtë marrëveshje për ne. Ne po e bëjmë këtë nga një ndjenjë detyrimi ndaj Italisë, e cila na ka mbështetur shumë që nga dita e parë që vendi ynë u hap me botën. Italia ishte aty për ne kur gjërat ishin të vështira dhe nuk kërkoi asgjë në këmbim. Në fakt, Italia futi dorn në xhepin e saj për të na ndihmuar dhe mbështetur. Kështu ata pyetën nëse ishte e mundur dhe ne thamë “po”./ S,M
