Prerjet 20 dhe 50 euro rezultojnë më të falsifikuarat, ndërsa përgjatë 2024 janë tërhequr nga qarkullimi 554 mijë njësi, prej të cilave 121111 vetëm në Itali.
Sipas një raporti të Bankës Qendrore Europiane, falsifikimi i kartëmonedhave është në rritje: në vitin 2023, rastet e zbuluara ishin 467 mijë.
Prerjet më të falsifikuara janë kartëmonedhat 20 dhe 50 euro, të cilat përbëjnë 75% të kartëmonedhave të tërhequra.
Ato përbëjnë përkatësisht 38% dhe 43.6%. Me rritjen ose uljen e vlerës, përqindja e pjesëve të falsifikuara në totalin e tërhequr zvogëlohet: 5 euro (1.3%); 10 euro (6,8%); 100 euro (7.9%); 200 euro (3.8%); 500 euro (0.6%).
Vitin e kaluar u zbuluan 18 falsifikime për çdo milion kartëmonedha origjinale në qarkullim. 97.8% e kartëmonedhave të falsifikuara u gjetën në vendet e eurozonës, ndërsa 1.3% vinin nga vendet anëtare të BE-së jashtë zonës së euros dhe 0.9% nga rajone të tjera të botës.
Edhe pse këto të dhëna nuk shqetësojnë autoritetet monetare, të cilat e përcaktojnë pagesën në kartëmonedha si të sigurtë dhe të besueshme, vlen të theksohet se vitet e fundit numri i falsifikimit është rritur gradualisht. Në vitin 2021, u zbuluan 12 falsifikime për çdo 1 milion kartëmonedha origjinale në qarkullim. Në vitin 2022, ato ishin 13 për milionë.
Përballë këtyre shifrave, lind pyetja spontanisht: si të dallojmë një kartëmonedhë false nga ajo reale? Vetë BQE ofron një metodë efektive duke sugjeruar strategjinë “prek, shiko dhe lëviz”. Së pari, ndihmon prekja e kartëmonedhës. Nëse është e vërtetë, do të pajiset me teknika të veçanta printimi që e dallojnë atë nga një fallco. BQE rekomandon gjithashtu mbajtjen e letrës në dritë: filigrani i portretit dhe filli i sigurisë do të shfaqen dukshëm.
Së fundi, duke lëvizur kartëmonedhën në dritë, do të shfaqet portreti i Evropës dhe numri do të prodhojë efektin e një drite që lëviz vertikalisht./ S,M
