Kryeministri Edi Rama në një intervistë të dhënë në emisionin “Pamja e Madhe”, për televizionin kombëtar grek MEGA, foli për marrëdhëniet me Greqinë.
Gjatë intervistës Rama u shpreh se në disa raste dy vendet kanë qenë viktima të së shkuarës, ndërsa nënvizoi se tashmë marrëdhëniet mes dy vendeve janë më mirë.
“Mendoj se ne vazhdojmë të kemi problemin që jemi fqinj shumë të vjetër dhe në të njëjtën kohë që jemi fqinj shumë të rinj. Sepse patëm problemin e një ndërprerje prej 15 vitesh. Greqia, kaloi në një diktaturë fashiste, por e tejkaloi shumë më herët se ne, që kaluam një diktaturë të tmerrshme komuniste. Greqia u shndërrua në një vend ndryshe, ndërkohë që ne dolëm tërësisht të gjymtuar nga komunizmi. Ishte shumë më keq se në vendet e tjera. Kjo jetë e rilindur në oborrin tonë të përbashkët nuk ka qenë e lehtë. Në disa raste, kemi qenë viktima të kësaj të shkuare. Më shumë se sa njëherë, kemi pasur provën që jemi shumë të ngjashëm. Jemi kaq shumë ballkanikë, mesdhetarë dhe sërish vazhdojmë të mbetemi pengje të historisë tonë. Por unë kam bërë një zgjedhje shumë të qartë, se historia mund të jetë ose një kurth i madh ose një burim i madh për të ecur përpara. Sfida është ta shohësh historinë me sytë e së ardhmes. Kjo është ajo që duhet të bëjmë. Marrëdhëniet tani janë mirë. Mund të jenë më mirë. Për njëfarë kohe ishin keq, për një çështje që ishte e rëndësishme për palën greke, por jemi në rregull tani.
Çështja Beleri?
Edi Rama: Jetojmë në një vend demokratik, Greqia është një vend demokratik, Europa është një familje demokratike dhe Gjykata Europiane Drejtësisë do të bëjnë atë çfarë duhet të bëjnë./E.T
