Të gjithë drejtuesit e mjeteve që do të kalojnë në rrugën e Arbrit pas hapjes së tunelit të Murrizit nuk do të paguajnë asnjë lek. Premtimi është bërë nga kryeministri Edi Rama, pasi kjo rrugë po ndërtohet me paratë e kompanisë private dhe jo të taksapaguesve.
Ajo rruga e Arbrit atje që do hapet tuneli i Murrizit më në fund, o Zot ishallah nuk kemi ndonjë surprizë tjetër me atë tunel aty se aty është mbledhur gjithë syri i keq. Gjithë syri i keq është mbledhur atje. Në 14 mars është plani për t’u hapur, është rrugë thjesht dhe vetëm shqiptare, me para të shqiptarëve dhe jo të taksave, por të një kompanie. Ajo është PPP-ja pra, ajo është PPP-ja dhe pyeste dikush që sa do ta paguajmë atë rrugë? Nuk do të paguash asgjë, zotrote ti. Zero. Nuk do ketë ajo rrugë pagesë, të paktën sa të jem unë këtu rruga e Arbrit s’do ketë pagesë e do vijë dita, një ditë që të gjitha rrugët do bëhen me pagesë siç i ka gjithë bota, kjo nuk diskutohet po jo rruga e Arbrit sa të jem unë këtu të paktën. Do jetë free, por është PPP.
Tuneli i Murrizit, që është pjesë e Rrugës së Arbrit do të hapet për drejtuesit e automjeteve ditën e verës, më 14 Mars. Tuneli i Murrizit me një gjatësi prej rreth 3,8 km, përbëhet nga dy tuba, ai i trafikut dhe i emergjencës. Tuneli do të shkurtojë distancën mes Dibrës dhe Tiranës në vetëm 2 orë.
Punimet në këtë tuneli, që është pjesë e Rrugës së Arbrit kanë patur ecuri të ngadaltë për shkak të gjeologjisë së vështirë dhe rrëshqitjes së dherave.
Ndërkohë, rruga e Arbrit me gjatësi rreth 74 km i ka kushtuar buxhetit të shtetit 33.6 miliardë lekë dhe do të jetë një korridor lidhës i rëndësishëm Lindje-Perëndim.
S,M
