Banorët e fshatrave të qarkut të Shkodrës ndihen të pasigurt në banesat dhe tokat e tyre, pasojë e vjedhjeve të shpeshta që ndodhin në to.
Vjedhja më e fundit në fshatin Kullaj të Njësisë Administrative të Postribës, ku 65-vjeçarit Hamit Bushaj i kanë vjedhur rrethimin e tokës dhe i kanë shkulur e dëmtuar disa rrënjë pemësh frutorë.
65-vjeçari apelon policinë që të jetë më e vëmendshme në këto zona, pasi, përveç vjedhjeve, mund të ndodhin edhe ngjarje më të rënda nëse pronarët e banesave mund të konstatojnë hajdutët dhe të përballen me ta.
Pak kohë më parë, në një banesë tjetër në fshatin Kullaj të Postribës është vjedhur një shumë prej 1.2 milionë lekësh, ndërsa ka pasur edhe disa raste të tjera të vjedhjeve në shtëpitë dhe tokat e banorëve në këtë zonë./e.t
