Ministrja suedeze për Çështjet e Bashkimit Europian, Jessica Rosencrantz, do të vizitojë Shqipërinë më 10-11 mars për të takuar përfaqësues politikë dhe për të diskutuar përpjekjet e vendit në kuadër të reformave për anëtarësimin në BE
Ministrja suedeze për Çështjet e Bashkimit Europian, Jessica Rosencrantz, do të vizitojë Shqipërinë më 10-11 mars për të takuar përfaqësues politikë dhe për të diskutuar përpjekjet e vendit në kuadër të reformave për anëtarësimin në BE.
“Shqipëria po përparon me shpejtësi në realizimin e reformave të nevojshme për t’u bërë anëtare e Bashkimit Europian. Ky progres mund të shërbejë si frymëzim për vendet e tjera kandidate që të ndjekin këtë rrugë. Qeveria suedeze ka mbështetur prej kohësh vendet e Ballkanit Perëndimor me ndihma për reformat dhe ne mbetemi të angazhuar për ta vazhduar këtë mbështetje,” theksoi Ministrja Rosencrantz.
Gjatë qëndrimit në Shqipëri, delegacioni nga Suedia do të takojë përfaqësues të qeverisë shqiptare, Kryeministrin Edi Rama, Ministrin për Europën dhe Punët e Jashtme, Igli Hasani, Ministren e Shtetit dhe Kryenegociatoren, Majlinda Dhuka.
Rosencrantz do të takohet me Kryetaren e Komisionit Parlamentar për Integrim Europian Jorida Tabaku, do të vizitojë Strukturën e Posaçme kundër Korrupsionit dhe Krimit të Organizuar dhe gjithashtu do të ketë takim përfaqësues të Rrjetit Ballkanik për Gazetari Investigative./k.k
