Ambasada e SHBA në Shqipëri ka njoftuar në rrjetet sociale se sot fusha e futbollit në Zall Herr u shndërrua në një terren stërvitor për dronët, ku ushtarët dhe aviatorët e Gardës Kombëtare të Nju Xhersit u stërvitën krahas Forcave të Armatosura të Shqipërisë.
Në këtë stërvitje u përdorën dronë, të cilët janë të rëndësishëm jo vetëm për qëllime ushtarake, por edhe për monitorimin dhe kontrollin e zjarreve, një hap i rëndësishëm për forcimin e kapaciteteve të mbrojtjes dhe reagimit ndaj fatkeqësive.
E Ngarkuara me Punë, Nancy Van Horn, ishte e pranishme për të vëzhguar ekipet që punonin krah për krah, duke pilotuar dronët dhe duke u trajnuar me kompaninë e mortajave të Forcave të Armatosura të Shqipërisë.
“Sot, fusha e futbollit në Zall Herr u kthye në një pistë për dronët, ndërsa ushtarët dhe aviatorët e Gardës Kombëtare të Nju Xhersit stërviten krah Forcave të Armatosura të Shqipërisë. Të përdorur jo vetëm për qëllime ushtarake, këta dronë mund të ndihmojnë në monitorimin dhe kontrollin e zjarreve. E Ngarkuara me Punë Van Horn vëzhgoi ekipet tona duke punuar krah për krah duke pilotuar drone dhe duke u trajnuar me kompaninë e mortajave të Forcave të Armatosura të Shqipërisë”, shkruhet në postimin e ambasadës së SHBA./e.t
