Një nga figurat më të spikatura të PS, Pandeli Majko, ka zyrtarizuar kandidimin e tij për një tjetër mandat në Kuvendin e Shqipërisë.
Deputeti socialist, ish-kryeministër dhe një prej emrave më të njohur të Partisë Socialiste, ka njoftuar përmes një statusi publik se ka firmosur dokumentet për të qenë pjesë e garës elektorale të 11 majit, teksa Rama e ka lënë në listat e hapura për Tiranën.
‘Firmosa dokumentat e kandidimit për deputet, që të vazhdoj në krah të familjes sime, PSSH, atë që kemi nisur, edhe pas zgjedhjeve të 11 majit!
Jam i bindur, se një burrë nuk lind për të drejtuar, por i përgjigjet thirjes dhe bën detyrën!
Bufi ushqehet me minj!…
Sot beteja më e rëndësishme është që Shqipërinë ta bëjmë një vend më të mirë!
Votoni shokët dhe shoqet e mija në Listën e Hapur! Unë, jam vetëm një prej tyre!
Beteja ime organizative do të jetë në Kavajë dhe Rrogozhinë, dhe kudo që do të jem i nevojshëm, për të bërë detyrën dhe detyrimin ndaj kujtdo që beson tek e ardhmja europiane!
Votoni Partinë Socialiste!
Do tja dalim, BASHKË!
Shqipëria e fëmijve tanë, është e para!’, shkruan Majko./ S.M
