Adriatik Lapaj ka reaguar sërish ndaj kritikave për përfshirjen e kandidatë fiktivë në pjesën e mbyllur të listave të koalicionit “Nisma Shqipëria Bëhet” për zgjedhjet parlamentare të 11 majit. Përmes një videoje në rrjetet sociale, Lapaj shpjegoi se kjo metodë ka si qëllim të testojë kandidatë të vërtetë të koalicionit direkt me elektoratin, duke thënë se trajtimi i kësaj praktike si gabim është një tentativë për të manipuluar opinionin publik.
Ai theksoi se koalicioni është angazhuar për të hyrë në garë me lista të hapura, një arritje që kanë luftuar për dy vite, duke mbledhur firma dhe duke shkuar deri në Gjykatën Kushtetuese për të ndryshuar ligjin për listat. Lapaj u shpreh se këto lista të hapura janë një mundësi për të pasur një konkurrencë të drejtë, duke i ftuar qytetarët të mos manipulohet nga kritikët.
Një tjetër element kritik ka qenë renditja e babait të Adriatik Lapajt, në vendin e parë të listës së mbyllur për Qarkun Berat, që ka shkaktuar reagime të ndryshme në opinionin publik. Lapaj nuk ka ngurruar të mbrojë vendimin e koalicionit, duke theksuar se kjo është pjesë e angazhimit për ndryshim dhe hapjen e mundësive për përfaqësues të rinj në politikën shqiptare./kb
