Arsye e çuditshme, shtyhet ndeshja e Bundesligës! Shkaktar tifozët e Eintracht

Tifozët e Eintracht Frankfurt kanë shpalosur banderolat gjigante, duke zënë edhe pjesët e daljes së sigurisë në stadium, teksa nuk pranojnë t’i largojnë.

Ndeshja e javës së 26-të në Bundesligë mes Bochum dhe Eintracht Frankfurt është shtyrë me afat të pacaktuar, kjo për shkak të një arsyeje të çuditshme. E programuar për të filluar në orën 15:30 të kësaj të diele, ende nuk ka një vendim final nëse dueli do luhet ose jo.

Tifozët e Eintracht Frankfurt kanë shpalosur banderolat gjigante, duke zënë edhe pjesët e daljes së sigurisë në stadium, teksa nuk pranojnë t’i largojnë. Daljet e emergjencës për autoambulancë dhe zjarrëfikësen janë të bllokuara dhe për këtë shkak sfida u shty.

Autoritetet dhe organizatorët po përpiqen të bindin palët që ndeshja të fillojë, por deri tani ende tifozët miq nuk kanë larguar banderolat.