Kryebashkiaku i Tiranës, Erion Veliaj, ka uruar nga qelia Fortlumturinë e Tij, Joan Pelushin, për zgjedhjen në detyrën e lartë të Kryepeshkopit të Tiranës, Durrësit dhe gjithë Shqipërisë nga Sinodi i Shenjtë.
Përmes rrjeteve sociale, Veliaj shpreh padurimin e tij për të mbaruar sa më shpejt restaurimin dhe kthimin në gjendjen e mëparshme të Kishës së Shën Prokopit në kodrat e Liqenit Artificial.
“Urime besimtarëve ortodoksë për zgjedhjen e Imzot Joan Pelushit si Kryepeshkop i Kishës Ortodokse Autoqefale të Shqipërisë! Uroj që shërbimi i tij të sjellë paqe, harmoni dhe mbarësi për të gjithë. Mezi pres që ta mbarojmë sa më shpejt restaurimin dhe kthimin në gjendjen e mëparshme të Kishës së Shën Prokopit në kodrat e Liqenit Artificial”, shprehet Veliaj./k.k
