Nga Lutfi Dervishi
Mund të stërvitesh duke mbajtur radhë në spital dhe farmaci, sport kombëtar i financuar nga pensioni yt.
Kur je në moshën e tretë, e parashikon motin me gjunjë, më shpejt dhe më saktë se meteorologët dhe satelitët.
Nuk ke më nevojë të kërkosh leje te prindërit për t’u takuar me shoqen, tani kërkon leje nga mjeku, farmacisti dhe portofoli yt bosh.
Mund të flesh gjatë ditës pa u quajtur dembel dhe të thuash u lodha duke pritur bonusin e radhës.
S’ke më nevojë të ndjekësh modën, me aq pension sa ke, është modë që ke akoma rroba.
Mund të thuash ç’të duash. Mos ki frikë. Qeveria e di që ti as proteston dhe as voton kundër.
Nuk ke më frikë të plakesh!
Mund të stërvitesh duke mbajtur radhë në spital dhe farmaci, sport kombëtar i financuar nga pensioni yt.
Harresa bëhet superfuqia jote mund të harrosh sa e bleve bukën dje dhe nuk nervozohesh kur sheh çmimet sot.
Mund të shohësh lajmet çdo ditë dhe të ndjehesh që jeton në vendin më të lumtur në planet.
Je i lirë të bësh ç’të duash për sa kohë nuk del nga shtëpia, se çdo dalje është një kosto shtese.
Dhe mbi të gjitha, mund të qeshësh me të gjitha këto, sepse pas kaq vitesh e di që premtimet për ty janë si pensioni që ke sot: të vogla, të vonuara dhe të pamjaftueshme./ SM
