Cilësia e arsimit të lartë në Shqipëri është e ulët. “Banka Botërore e rendit Shqipërinë ndër vendet me nivelin më të ulët të arsimit të lartë në Europë dhe Azinë Qëndrore.
Rajoni ECA ku bën pjesë edhe Shqipëria përballet me disa sfida si mungesa e financimit dhe kurrikulat e vjetëruara”.
Ndër shkaqet e cilësisë së dobët të arsimit të lartë janë edhe mungesa e infrastrukturës së duhur në universitete si dhe ndikimi i interesave politike dhe private mbi ekselencën akademike.
Banka Botërore rekomandon disa zgjidhje. Në raportin e Bankës Botërore vihet në pikëpyetje përparimi i brezave, pasi probabiliteti që fëmijët të jenë më të arsimuar se sa prindërit e tyre ka ardhur në rënie.
Cilësia e dobët e arsimit universitar paraqet kështu rrezik për perspektivat e rritjes afatgjatë të rajonit.
“Banka Botërore vlerëson se nëse nuk ndërmerren veprime urgjente për të përmirsuar cilësinë e arsimit dhe për të lidhur më mirë talentet me tregun e punës, atëhere vende si Shqipëria me të ardhura të mesme nuk do të mund të arrijnë statusin e vendeve me të ardhura të larta brenda një ose 2 brezave”, raporton gazetarja Halili.
Në mesin e shteteve më cilësi të ulët në arsim janë Maqedonia e Veriut, Bosnja dhe Hercegovina, Armenia dhe Azerbajxhani./k.k
