Një 15-vjeçare ka denoncuar në polici se një djalë ka kryer marrëdhënie seksuale me dhunë, pa dëshirën e saj, e cila është konfirmuar edhe nga ekspertiza e kryer nga mjeku.
Djali, autor i dyshuar i ngjarjes, Serxhi Arifi, 20 vjeç, u arrestua nga policia.
Sipas vajzës, ajo ka shkuar në shtëpinë e një shoqes së saj, 17 vjeçe, e cila ka thirrur 2 djem të tjerë, dhe njëri prej tyre ka kryer me të marrëdhënie seksuale me dhunë.
Në hetim në gjendje të lirë, policia ka vënë vajzën 17 vjeçe për shfrytëzim prostitucioni.
Në të njëjtin procedim, vajza e komunitetit rom tregoi para policisë se në shtëpi babai ushtronte vazhdimisht dhunë psikologjike, por që nuk ka lidhje me abuzimin e saj seksual. I ati po hetohet po ashtu në gjendje të lirë.
“Specialistët për Hetimin e Trafiqeve të paligjshme ndaluan shtetasin S. A., 20 vjeç, pasi dyshohet se ka kryer marrëdhënie seksuale me dhunë me një 15-vjeçare. Në vijim të veprimeve është proceduar në gjendje të lirë shtetasi A. Gj., 42 vjeç (babai e 15-vjeçares) pasi ka ushtruar dhunë psikologjike ndaj vajzës së tij”, informoi sot policia.
Materialet procedurale iu referuan Prokurorisë së Tiranës, për veprime të mëtejshme. /k.k
