Cain Velasquez, ish-kampioni i peshave të rënda të UFC-së, është dënuar me pesë vjet burg për një incident me të shtëna që ndodhi në vitin 2022. 42-vjeçari e pranoi vendimin pa u deklaruar fajtor ose i pafajshëm, një opsion ligjor i njohur si “pa kontest” që i lejon atij të shmangë pranimin e fajit.
Velasquez arrin të shmangë një dënim shumë herë më të rëndë që mund të shkonte deri në 40 vite. Ishkampioni i UFC-së u arrestua në mars 2022, pasi dyshohet se u përpoq të vriste një burrë që ai e akuzoi për abuzim seksual me fëmijën e tij.
Ai qëlloi nga makina e tij drejt një automjeti tjetër, ku ndodheshin tre persona, përfshirë edhe objektivin. Ndaj Velasquez ishin ngritur gjithsej dhjetë akuza, duke përfshirë vrasjen e mbetur në tentativë, të shtëna në një automjet, tre akuza për sulm me armë zjarri, tre të tjera për sulm me armë vdekjeprurëse, si dhe armëmbajtje pa leje me qëllim për të kryer një vepër penale.
Por Velesquez arriti të shmangë një dënim të rëndë, duke marrë 5 vite. Për sa i përket karrierës në UFC, Velasquez ka lënë gjurmë si një prej luftëtarëve më të mirë të peshave të rënda. Bilanci i tij në kategorinë prestigjioze të dueleve në kafaz është prej 14 fitoresh dhe 3 humbjesh./k.k
