Bayern Munich është në kërkim të një portieri të ri për të ardhmen dhe ka zhvendosur fokusin te Bart Verbruggen. Sipas asaj që raporton Telegrafi, klubi bavarez është gati të prezantojë një ofertë prej 60 milionë eurosh për “gardianin” e Brighton.
21-vjeçari holandez Verbruggen, u dallua për paraqitjet e tij të nivelit të lartë në Premier League dhe konfirmoi veten gjithashtu edhe në nivel ndërkombëtar, duke shkëlqyer në ndeshjen kundër Spanjës në çerekfinale të Ligës së Kombeve.
Bayern e sheh atë si profilin ideal për të pasuar Manuel Neuer, i cili pas vitesh si protagonist mund të dorëzojë stafetën.
Mbetet për t’u parë se cili do të jetë pozicioni i Brighton, pasi ata investuan 20 milionë euro për portierin në verën e vitit 2023./ D.C
