Kryeministri Edi Rama do të zhvillojë sot një tjetër takim me shqiptarët që jetojnë në Greqi, pas një vizite në Kretë të zhvilluar dje.
Takimi i sotëm do të mbahet në Athinë në orën 17:00, dhe është pjesë e një serie takimesh me diasporën shqiptare në këtë shtet fqinj.
Dje, Rama udhëtoi drejt Kretës, ku organizoi një takim në stadiumin “Klassidos” në orën 18:00, ku diskutoi mbi sfidat dhe mundësitë që kanë shqiptarët në Greqi.
Ky do të jetë takimi i katërt për kryeministrin me komunitetin shqiptar në Greqi, pas takimeve të mëparshme në Athinë dhe Selanik.
Takimi i parë me diasporën shqiptare në Athinë, që njëkohësisht çeli edhe turin e takimeve të kësaj natyre u mbajt në kryeqytetin grek në 12 maj të vitit të kaluar./ S.M
