Numri i viktimave nga tërmeti i fuqishëm në Mianmar vijon të rritet. Junta ushtarake që sundon vendin njoftoi se numri i personave që kanë humbur jetën, nga tërmeti 7.7 ballë i së premtes, ka shkuar në 2,056, më shumë se 3,900 janë të plagosur dhe 270 persona vijojnë të jenë ende të zhdukur.
Organizata Botërore e Shëndetësisë ka bërë apel për ndihmë prej 8 milionë dollarësh. Një zëdhënës i OBSH deklaroi se spitalet e vendit janë të shkatërruara dhe të mbingarkuara.
Tajlanda, shteti fqinj me Mianmar, e cila gjithashtu u prek nga tërmeti, deri më tani regjistron 19 viktima.
Kryeministri tajlandez tha se situata është kthyer pothuajse në normalitet, megjithatë ekiper e kërkim-shptimit vijojnë ende punën nën rrënoja e dnërtesës së shembur në Bangkok./ S,M
