Kina ka nisur stërvitje ushtarake në shkallë të gjerë rreth Tajvanit duke akuzuar presidentin Lai Ching-Te si “separatist” dhe “parazit” që po e shtynte ishullin e drejtuar në mënyrë demokratike në luftë.
Kina ka nisur stërvitje ushtarake në shkallë të gjerë rreth Tajvanit duke akuzuar presidentin Lai Ching-Te si “separatist” dhe “parazit” që po e shtynte ishullin e drejtuar në mënyrë demokratike në luftë.
Stërvitjet rreth ishullit, të cilin Kina e sheh si territorin e saj dhe kurrë nuk ka hequr dorë nga përdorimi i forcës për ta vënë nën kontrollin e saj, vijnë pasi Lai e quajti Pekinin një ” forcë të huaj armiqësore” muajin e kaluar.
“Fokusi është në ushtrime të tilla si patrullimet e gatishmërisë luftarake në det dhe në ajër, kapja e kontrollit gjithëpërfshirës, goditja e objektivave detare dhe tokësore dhe vendosja e kontrolleve të bllokadës në zonat dhe rrugët kryesore”, tha Komanda e Teatrit Lindor në llogarinë e saj zyrtare në rrjetet sociale WeChat.
Ministria e Mbrojtjes e Tajvanit tha në një deklaratë se grupi i aeroplanmbajtësve të Kinës Shandong kishte hyrë në zonën e ishullit të hënën, duke shtuar se kishte dërguar avionë dhe anije ushtarake dhe kishte aktivizuar sistemet e raketave me bazë tokësore në përgjigje të këtyre vepeimeve, shkroi Reuters.
“Partia Komuniste Kineze ka vazhduar të rrisë aktivitetet e saj ushtarake rreth Tajvanit dhe në rajonin Indo-Paqësor… dhe është bërë ‘problemi’ më i madh në komunitetin ndërkombëtar”, shtohet në deklaratë.
Kina ka nisur stërvitje të shumta kundër Tajvanit në vitet e fundit, shpesh në përgjigje të akteve të perceptuara të separatizmit ose pro-pavarësisë. Lai, i cili u zgjodh vitin e kaluar për të vazhduar qeverisjen e Partisë Demokratike Progresive pro sovranitetit, ka marrë një qasje të drejtpërdrejtë ndaj tensioneve të ngushta./k.k
