Një minutë heshtje është mbajtur në Mianmar për më shumë se 2700 personat që humbën jetën nga tërmeti shkatërrues me magnitudë 7.7 ballë të së premtes që goditi pranë Mandalay. Mediat e huaja kanë shfaqur më shumë pamje shkatërruese nga ndërtesat e rrënuara dhe përjetimet drithëruese të banorëve shpresa e të cilëve po shuhet.
Më shumë se 70 njerëz besohet se janë ende të bllokuar në rrënojat në Bangkok, ndërsa qyteti është më një zonë fatkeqësie. Të paktën 21 persona dihet se kanë vdekur në Tajlandë.
Shpresat për të gjetur më shumë njerëz të gjallë po shuhen, pasi koha kritike 72-orëshe nga koha kur goditi tërmeti ka kaluar tashmë.
Numri i të vdekurve nga tërmeti në Mianmar tashmë ka kapur shifrën e 2719. Numri i të lënduarve është 4521, ndërsa 441 persona janë ende të zhdukur.
Ndërkohë në kryeqytetin e Tajlandës, Bangkok, një tjetër trup është nxjerrë nga rrënojat e një rrokaqiell të shembur, duke e çuar numrin total të personave që kanë vdekur atje në 14./k.k
