Ministria e Brendshme publikon listën përfundimtare të zgjedhjeve parlamentare që do të zhvillohen më 11 maj. Nga të dhënat e gjeneruara nga Drejtoria e Përgjithshme e Gjendjes Civile të drejtën e votës e kanë më shumë se 3.7 milionë shtetas shqiptarë brenda dhe jashtë vendit.
Prej tyre, 114 mijë qytetarë janë votues për herë të parë, ndërsa 1.081 të tjerë nuk do të ushtrojnë të drejtën e votës, për shkak të ligjit të dekriminalizimit.
Në këto zgjedhje, për herë të parë listat zgjedhore përfshijnë dy kategori, zgjedhësit që jetojnë brenda vendit dhe ata që jetojnë jashtë Shqipërisë./e.t
