Deputetja e Partisë së Lirisë, Monika Kryemadhi, ka intensifikuar fushatën e saj në rrjetet sociale, pas një periudhe me reduktim të daljeve publike. Ajo ka shpërndarë një postim në Facebook ku shfaqet duke hapur një derë, duke shprehur angazhimin për të trokitur derë më derë për të marrë votat që, sipas saj, do të sjellin ndryshimin në vend.
Në mes të fushatës, Kryemadhi ka bërë thirrje për të mbështetur ish-bashkëshortin, Ilir Meta, i cili është gjithashtu aktiv në fushatë, ndonëse ndodhet në burg që nga tetori i vitit të kaluar.
Ajo ka shkruar në postimin e saj: “Do trokas në çdo derë, do ta hap me zemër dhe do të kërkoj votën për ndryshimin që duan shqiptarët. Voto Nr 1. Voto Ilir Metaj.”
Një ditë më parë, Kryemadhi ka postuar gjithashtu një foto mbështetjeje për djalin e saj, Besarin, i cili mori pjesë në prezantimin e kandidatëve të Partisë së Lirisë për zgjedhjet e 11 Majit./ S.M
