Si do të jetë kjo javë në fushën astrologjike sipas Jorgo Pullës? Cilat janë shenjat më fatlume të javës dhe kush duhet të bëjë kujdes
I ftuar në emisionin e mëngjesit “Rreze Dielli” në Report TV, me moderatore Androniki Kolka, ishte astrologu i njohur Jorgo Pulla, i cili bëri një analizë të detajuar për javën e dytë të këtij muaji, 7-13 prill, për 12-të shenjat e zodiakut. Sipas astrologut Pulla kjo javë mund të konsiderohet si java e ndryshimeve të mëdha, një javë tepër e rëndësishme sa i takon fushës profesionale, por dhe fushës sentimentale. “Këtë javë Mërkuri kalon të martën tek Peshqit, në rrugën e duhur dhe gradualisht duke na dhënë mundësinë të rregullojmë çdo gjë në çdo aspekt. Pak kujdes në fushën emocionale, pasi do të ketë shumë pikëpyetje me takimin retrogradë Afërdita -Saturn dhe me Hënën e plotë në Peshore ditën e shtunë”, theksoi Pulla, duke vijuar më tej me parashikimin e detajuar të yjeve për të gjitha shenjat e zodiakut.
DASHI
Ndikime të forta emocionale, kujdes! Nuk përjashtohet mundësia të keni rikthime nga e kaluara…Kjo javë sjell rinovim dhe përparim, veçanërisht pas të martës, kur Mërkuri shkon në rrugën e duhur. Kjo periudhë favorizon komunikimet dhe kontaktet me të tjerët do të keni mundësi të rregulloni çështjet e pazgjidhura që ju kanë preokupuar në periudhën e mëparshme. Në jetën tuaj emocionale, Hëna e plotë të shtunën mund të sjellë tensione ose të zbulojë të vërteta emocionale. Nevoja juaj për marrëdhënie të forta dhe autentike është në qendër dhe kjo periudhë kërkon vetëdije. Mos e neglizhoni komunikimin me partnerin, ndërsa nëse jeni beqarë, java është e përshtatshme për të rishikuar atë që dëshironi realisht nga një lidhje. Afërdita retrogradë në lidhje me Saturnin kërkon vlerësime realiste dhe kontroll të ngushtë të financave tuaja. Java do t’ju kërkojë të jeni të përgjegjshëm dhe të disiplinuar dhe mund të shfaqen mundësi për njohje profesionale. Mos lejoni që financat tuaja të neglizhohen, pasi organizimi dhe qëndrueshmëria janë thelbësore./k.k
