Peter Navarro, ekonomisti 75-vjeçar, i cili konsiderohet formuesi kryesor i linjës së ashpër të SHBA-së në tregti, është rikthyer në krah të Donald Trump pas lirimit të tij nga burgu për përbuzje të Kongresit.
Me një eksperiencë në Këshillin Kombëtar të Tregtisë dhe Zyrën e Politikave të Prodhimit gjatë mandatit të parë të Trump, Navarro mbetet një avokat i vendosur i tarifave si një mjet për ringjalljen e industrisë amerikane.
Megjithatë, këtë herë ai bie në konflikt të drejtpërdrejtë me një tjetër njeri të shquar të rrethit presidencial, Elon Musk. CEO i Tesla-s dhe kreu i Departamentit të Efikasitetit Qeveritare, bëri thirrje për liberalizim të plotë të tregtisë SHBA-BE, duke mos u pajtuar me politikën tarifore agresive të Trump.
Musk vazhdoi të bënte postime në X, duke u tallur me punimet akademike të Navarro-s dhe duke e kritikuar atë si një “njeri me ego”.
Përplasje samiti për tregtinë
Polemikat kanë ardhur pasi Trump njoftoi tarifa të reja gjithëpërfshirëse që kanë tronditur tregun e aksioneve dhe kanë nxitur pasiguri në ekonominë globale.
Navarro mbrojti masën, duke thënë se Musk “nuk është një prodhues, ai është një montues”, duke sugjeruar se Tesla varet nga pjesët nga vendet e tjera. Musk, nga ana e tij, u tall me doktoraturën e Navarro-s dhe e deklaroi veten një avokat të tregtisë së lirë.
Tensioni reflekton dy linjat që përplasen aktualisht brenda administratës Trump: Shkolla e vjetër e nacionalizmit ekonomik të Navarro-s dhe një qasje më liberale, globaliste e përfaqësuar nga Musk.
Navarro kthehet në qendër të skenës
Peter Navarro, i cili kishte shërbyer si këshilltar i Trump që nga viti 2017, u dënua në vitin 2024 me katër muaj burg për shpërfillje të Kongresit pasi refuzoi të dëshmonte në komitet për sulmin e 6 janarit.
Pavarësisht dënimit me burg dhe reagimit të ashpër, Trump e riktheu atë në rolin e tij, duke e lavdëruar për vizionin e tij në favor të produkteve amerikane.
Me një karrierë të gjatë në kërkime akademike, studime në universitetet Tufts dhe Harvard dhe një punë të shkruar mbi marrëdhëniet SHBA-Kinë, Navarro i mbetet plotësisht besnik idesë së tregtisë së mbrojtur.
Përballja e tij me Musk nënvizon se tregtia do të jetë sërish një zonë betejash të brendshme në kampin republikan përpara zgjedhjeve të 2028-ës./k.k
