Dielli ka arritur të prekë pikën minimale të 100 viteve të fundit. Një cikël diellor zgjat 11 vite, ai aktuali është i 25-ti, që kur ka nisur regjistrimi i njollave diellore në vitin 1755. Ka filluar në 2019-ën dhe zyrtarisht pikën kulmore më të lartë e arriti në fund të 2024-ës.
Por, aktiviteti diellor është shumë më kompleks, pasi ai 11-vjeçar ndërthuret dhe me cikle më të gjata, si ai i Gleissberg, që arrijnë deri në 100 vite. Dhe gjatë ciklit të Gleissberg është matur tashmë edhe pika më e ulët e aktivitetit diellor të matur në 100 vitet e fundit.
Sipas ekspertëve, në nisjen e atij pasardhës, mund të verifikohet një intensifikim i aktivitetit diellor, megjithatë ka shumë faktorë që mund të ndikojnë në këtë fenomen, për të cilin komuniteti shkencor ndërkombëtar nuk është në dakordësi të plotë.
Nga regjistrimet e fundit të realizuara nga satelitet në orbite në zonën Van Allen, e të përpunuara nga agjencia amerikane “Noaa”, mblidhen pjesëza të ngarkuara që mbërrijnë nga era diellore. Nga viti 2022 është vërejtur një ndryshim i dukshëm në dendësinë e tyre.
