Agjencia prestigjioze ndërkombëtare e vlerësimit Moody’s ka konfirmuar vlerësimin për ekonominë e Shqipërisë në “Ba3” me perspektivë “të qëndrueshme”, e nxitur kjo nga reformat e ndërmarra në kuadër të procesit të integrimit në BE si dhe nga performanca ekonomike e fiskale.
Në raportin e fundit të AgjenciSË Moodys , parashikohet që rritja e PBB-së të mbetet e fortë dhe të arrijë në 3.8% në vitin 2025 dhe 3.4% në vitin 2026.I rëndësishëm në aspektin fiskal përcaktohet edhe reduktimi i mëtejshëm I borxhit publik në periudhën afatmesme. Raporti i borxhit publik ndaj PBB-së u ul në 57.5% në vitin 2023 dhe pritet të ulet në 53.7% deri në vitin 2026, i mbështetur nga rritja e fortë ekonomike dhe balanca fiskale primare.
Me rëndësi përcaktohen edhe reformat për procesin e anëtarësimit në BE .Sipas Agjensisë Moodys Shqipëria do të përfitojë nga financimi i BE-së dhe zbatimi gradual i reformave të mëtejshme të lidhura me procesin e anëtarësimit. Vlerësimi i moodys është një tregues i rëndësishëm i progresit të Shqipërisë dhe një sinjal pozitiv për investitorët ndërkombëtarë, duke reflektuar qëndrueshmërinë ekonomike të vendit dhe menaxhimin efektiv përballë sfidave globale.
Më herët edhe Agjencia prestigjioze, ndërkombëtare e vlerësimit “Standard & Poor’s’’ rriti vlersimin për ekonominë shqiptare në BB NGA BB- që ishte më parë. Ky ishte rishikimi i dytë në rritje brenda një viti për ekonominë shqiptare./k.k
