Çmimet e naftës ranë më tej të hënën, ndërsa Presidenti i SHBA Donald Trump sinjalizoi se do të vazhdojë me tarifat globale gjithëpërfshirëse pavarësisht rënies së tregjeve të aksioneve dhe rritjes së frikës nga recesioni.
Nafta e papërpunuar Brent ra me 2.5 për qind në 63.94 dollarë për fuçi deri në orët e vona të pasdites në Londër – niveli më i ulët në katër vjet dhe një rënie 15 për qind gjatë pesë ditëve të fundit – në një tregues të shqetësimeve të thelluara se ekonomia globale po shkon drejt një ngadalësimi të mprehtë.
Njoftimi i tarifave të të Trump të mërkurën e kaluar u pasua disa orë më vonë nga një lëvizje e papritur nga koalicioni Opec + për të rritur prodhimin e naftës.
Disa analistë thanë se rënia e çmimeve të naftës mund t’i bëjë ato shumë të ulëta për disa nga prodhuesit me kosto më të lartë në SHBA, duke penguar premtimin e Trump për të rritur prodhimin vendas.
Megjithatë, presidenti duket se e mirëpret rënien e naftës së papërpunuar, pasi u zotua të ulë kostot për konsumatorët amerikanë.
Trump shkroi: “Çmimet e naftës janë ulur, normat e interesit janë ulur Fed që lëviz ngadalë duhet të ulë normat!, Çmimet e ushqimeve janë ulur, NUK ka INFLACION.”.
Në një shënim të dielën, analistët e Goldman Sachs ulën parashikimin e tyre për çmimin e naftës, në vazhdën e ekonomistëve që parashikonin një ekonomi amerikane “në stanjacion” dhe rrezik më të lartë të recesionit. Ata presin që nafta e papërpunuar Brent të tregtohet me një mesatare 58 dollarë për fuçi në vitin 2026 dhe West Texas Intermediate me 55 dollarë për fuçi.
“Rreziqet për parashikimin tonë të reduktuar të çmimit të naftës mbeten në rënie, sepse rreziku i recesionit është rritur më tej dhe sepse oferta e Opec+ mund të rritet më shumë sesa supozojmë ne”, shtuan ata.
“Ekonomistët tanë kanë rritur gjithashtu probabilitetin e recesionit 12-mujor të SHBA-së nga 35 për qind në 45 për qind dhe kanë treguar se do ta ndryshojnë parashikimin e tyre në recesion, nëse Shtëpia e Bardhë zbaton shumicën e tarifave të 9 prillit.
Morgan Stanley, tha se rënia 12.5 për qind e naftës së papërpunuar Brent midis fundit të së mërkurës dhe fundit të së premtes javën e kaluar kishte ndodhur vetëm 24 herë më parë 22 prej të cilave tha se ishin të lidhura me recesione, ndëtkohë që po ul parashikimin e saj bazë për kërkesën për naftë për gjysmën e dytë të këtij viti me rreth 550,000 fuçi në ditë.
Vendimi i tetë anëtarëve të OPEC për të sjellë plane për të anuluar shkurtimet e prodhimit, do të thotë se ata do të rrisin prodhimin me 411,000 fuçi në ditë në maj, nga një objektiv i mëparshëm 122,000 fuçi në ditë.
Ai pasoi tensionet midis anëtarëve për shkallë të ndryshme të respektimit të shkurtimeve të prodhimit, me Kazakistanin që nxirrte naftë vazhdimisht mbi kuotën e tij.
Aksionet në prodhuesit kryesorë të naftës të listuara në Mbretërinë e Bashkuar ranë të hënën në mëngjes, ku Shell ra 7 për qind dhe BP me 6 për qind, duke mos performuar më mirë në tregun më të gjerë.
