Etrit Berisha është lojtari më i ri i Hacken në Suedi. Zgjedhje befasuese për 36-vjeçarin, i cili ishte pa ekip që nga vera e kaluar.
Një rikthim në Suedi ku spikati në hapat e parë të karrierës, para kalimit në Itali. Pas 12 vitesh, Berisha vesh sërish fanellën e një klubi suedez. Më parë e bënte me Kalmar.
Gardiani shqiptar luajti vetëm në Itali pas largimit nga Kalmar. Ky rikthim i bujshëm vjen për të luajtur në elitë ku kampionati sapo ka nisur.
Nga dy ndeshjet e para të luajtura, Hacken grumbullon 3 pikë. Portierët e tjerë të ekipit, me të cilët Berisha do të ketë konkurrencë, janë po ashtu me eksperiencë. Bëhet fjalë për Linde(31 vjeç), Abrahamson(36 vjeç) dhe Janson(34 vjeç)./ D.C
