Ç’ndodh nëse vota humbet në postë? Kjo ishte pyetja që i’u drejtua Komisionerit Shtetëror të Zgjedhjeve, Ilirjan Celibashi, në emisionin “Të Paekspozuarit” në MCN TV.
Celibashi tha se ka pak gjasa të ndodhë, por në çdo rast votuesi do të njoftohet.
Ylli Rakipi: Ç’ndodh nëse një zarf humb rrugës? Ndodh që edhe DHL të humbasë, për shembull. Madje edhe nga kompanitë më prestigjioze. Kush mban përgjegjësi?
Ilirjan Celibashi: Është e operatorit të kontraktuar. Ka përgjegjësi, si për rastin që dërgesa monetare humbasin. Nuk besoj se do të jetë ky rasti. Edhe nëse do të jetë një fletë votimi që humbet, nuk e përcakton ajo rezultatin e zgjedhjeve, apo standardin.
Ylli Rakipi: Do të njoftohet personi nëse vota e tij humbet?
Ilirjan Celibashi: Po, do të njoftohet. Ne tregojmë çdo votë se ku shkon, si shkon.
Ylli Rakipi: Pala që do të humbë zgjedhjet, do të ngrejë pretendime.
Ilirjan Celibashi: Kush humbet, thotë më shumë se kaq… / S,M
