Një grup prej gjashtë grash, duke përfshirë këngëtaren Katy Perry dhe partneren e Jeff Bezos, Lori Sanchez, shijuan disa minuta pa gravitet gjatë një fluturimi suborbital në një raketë nga Blue Origin, kompania hapësinore e manjatit të Amazon.
Raketa New Shepard 18 metra e gjatë u lëshua nga baza e kompanisë në Teksas në orën 09:30 me orën lokale, ose 15:30 me orën shqiptare. Pak minuta më vonë ajo kaloi “Linjën Kármán”, kufiri zyrtar i Hapësirës në një lartësi prej 100 kilometrash.
Raketa arriti një shpejtësi sa trefishi i shpejtësisë së zërit përpara se të lëshonte kapsulën në një lartësi të madhe dhe të kthehej në mënyrë autonome pranë pikës nga e cila u nis. I gjithë ekskursioni zgjati vetëm 11 minuta.
Ky ishte fluturimi i parë në hapësirë me një ekuipazh tërësisht femëror që nga viti 1963, kur kozmonautja sovjetike Valentina Tereshkova, gruaja e parë në hapësirë, u nis në një mision solo. Udhëtimi drejtohej nga gruaja e Jeff Bezos./E.S
