Këtë të hënë më 14 prill do të hapet një tjetër grup kapitujsh të negociatave me BE.
Kryeministri Edi Rama, nëpërmjet një statusi në Facebook, sjell në vëmendje rëndësi e procesit të integrimit europian.
Gjithashtu ai ka bërë një falënderim për emigrantët shqiptarë dhe mbështetjen që mori gjatë takimit të zhvilluar me Diasporën në Milano një ditë më parë.
“Mirë mëngjes dhe me kënaqësinë e madhe, e falënderimin e përulur, për mikpritjen e djeshme të shqiptarëve të Italisë në Milano, si edhe me lajmin e bukur të hapjes sot të një tjetër grupi kapitujsh të negociatave të anëtarësimit me Bashkimin Europian, ju uroj një ditë të mbarë”, shkruan Rama.
S,M
