Mbolli kanabis në godinën e kompanisë ku punonte, i hedh edhe në gjyq!

113 563 lexime

124,178FansaPëlqeje

Ajo që nisi si një punë rutinë mirëmbajtjeje në ambientet e një kompanie bujqësore në rajonin e Murcias në Spanjë, përfundoi me zbulimin e një rasti të pazakontë: një plantacion marijuane i ngritur brenda një banese në pronësi të vetë kompanisë, i përdorur nga një prej punonjësve të saj.

Ngjarja daton në verën e vitit 2020, kur gjatë disa punimeve në zyrat e kompanisë, punëtorët vërejtën një kompresor ajri jashtëzakonisht të madh në një prej shtëpive ngjitur me godinën, e cila ishte në pronësi të kompanisë dhe e banuar nga një punonjës. Përveç pajisjes, nga shtëpia vinte një aromë e fortë kanabisi.

Pas hetimeve të brendshme, u zbuluan fatura energjie me konsum të lartë, dhe punonjësi, i përballur me provat, e pranoi se kishte kultivuar marijuanë në banesë. Kompania vendosi të mos e denoncojë, por i ofroi një marrëveshje: largim nga puna me status “pushim i padrejtë” dhe një dëmshpërblim prej 3.000 euro. Punonjësi e pranoi ofertën në atë kohë.

Megjithatë, më vonë ai e paditi kompaninë, duke pretenduar se ishte kërcënuar për të firmosur marrëveshjen, me frikën e një kallëzimi penal. Gjykata e shkallës së parë hodhi poshtë pretendimin, duke theksuar se ai kishte nënshkruar në mënyrë të lirë dhe pa presion.

Së fundmi, edhe Gjykata e Lartë e Murcias ka konfirmuar ligjshmërinë e pushimit nga puna. Sipas saj, paralajmërimi për pasoja ligjore nuk përbën kërcënim apo shtrëngim, por një informim i ligjshëm. Po ashtu, gjykata vlerësoi se nuk kishte asnjë shkelje të të drejtave të punonjësit. /e.t

Të fundit

Shërbimet, rriten me 11.3% shitjet për pasuritë e paluajtshme, ia kalojnë edhe turizmit

Rritje të fortë kanë shënuar dhe pagat, ku kryeson sektori i hotelerisë dhe pasurive të paluajtshme, me 26.2%, i...

A ekziston një “buton bërthamor” për të shkaktuar luftë bërthamore?

Cila është procedura për nisjen e një sulmi bërthamor? Nuk ka buton të kuq (dhe nuk ka buton as në çantë). Disa mund ta kujtojnë:...

Al Pacino bëhet ylli i parë i filmit që takon Papa Leonin XIV

Aktori, i cili ndodhet në Itali për të xhiruar një film rreth vëllezërve Maserati, pati një audiencë zyrtare me Papën, së bashku me producentin...

“Irani do të godiste Shqipërinë me raketa, ja qyteti që ishte shënjestruar”

Shqipëria është pozicionuar krah Izraelit në luftën ndaj Iranit, për arsye historike të ditura, por edhe për shkak se vendi ynë strehon muxhahedinët, kundërshtarët...

Në dorë të një viroze!

Nga Mero Baze Sali Berisha sot ishte i sëmurë. Për moshën që ka dhe me virozat që janë sheshit, është normale të ndodhte. Por çfarë i...

Lajme të tjera

Web TV