Të rinjtë e Partisë Mundësia organizuan sot një aktivitet publik në pedonalen e Tiranës, me qëllim promovimin e vizionit të kësaj force politike në prag të zgjedhjeve të 11 majit 2025.
Të shoqëruar nga muzikë moderne dhe një atmosferë dinamike, aktivistët shpërndanë postera informues me mesazhe të qarta për ndryshim: më pak taksa, një administratë më të vogël dhe më efikase, më shumë liri për individin dhe mbështetje të pakompromis për drejtësinë.
Sipas programit të Partisë Mundësia, theksi vihet tek krijimi i një shteti të vogël, që nuk pengon nismën private, por krijon kushte që çdo qytetar të mund të zhvillojë potencialin e tij me ndershmëri dhe liri. “Për një Shqipëri ku ia del me punë” është mesazhi që përshkon të gjithë materialin e shpërndarë gjatë aktivitetit./E.S
