Kryeministri Edi Rama ka komentuar situatën në sistemin e drejtësisë, duke përmendur emrin e Prokurorit të Përgjithshëm Altin Dumani. Në një deklaratë publike, Rama e cilësoi Dumanin si “prokuror të ndershëm, të vendosur dhe të përkushtuar”, por theksoi se ai nuk ka pasur mjetet e nevojshme për të vepruar në raste të rënda kriminale.
“Altin Dumanin kur e ke dëgjuar? E di që ka qenë prokuror në detyrë në këto kohë që po flas… por nuk ka thirrur dikë të thotë si i vrave ti ata katër veta, sepse nuk e kishte shpatën,” u shpreh Rama.
Kryeministri nuk kurseu kritikat as për një zyrtare të lartë të drejtësisë, që sipas tij është penalizuar vetëm pse ka kërkuar informacion mbi një çështje policore. “Shefja e madhe e Dumanit, vetëm se çoi një copë letër për disa drejtues policie që ti pyeste se çfarë ndodhi, u gjen në pozitën që të shohë kryeministrin në TV që i thotë popullit se ajo është një lavire,” deklaroi Rama.
Edi Rama: Altin Dumanin kur e ke dëgjuar? E di që ka qenë prokuror në detyrë në këto kohë që po flas, prokuror i ndershëm i vendosur i përkushtuar por nuk ka thirrur dikë të thotë si i vrave ti ata katër veta, sepse nuk e kishte shpatën. Madje shefja e madhe e Dumanit, vetëm se çoi një copë letër për disa drejtues policie që ti pyeste se çfarë ndodhi, u gjen në pozitën që të shohë kryeministrin në TV që i thotë popullit se ajo është një lavire./ S,M
