Plot 20 vite më parë, përdoruesi “jawed”, një nga bashkëthemeluesit e faqes, publikoi një video të titulluar “me at the zoo” (“unë në kopshtin zoologjik”). Kjo ishte videoja e parë ndonjëherë e publikuar në YouTube dhe ende sot mbetet një simbol i thjeshtësisë me të cilën nisi platforma më e madhe e videove në botë.
Edhe pse nuk përmban asgjë spektakolare, kjo video ishte fara e parë e një revolucioni digjital, që më pas u kthye në pyllin gjigand që njohim sot si YouTube – një hapësirë ku miliarda njerëz ndajnë historitë, jetët dhe pasionet e tyre përmes videos.
Sot, kur mbushen dy dekada nga ai moment i thjeshtë, kujtojmë se jemi ende në fillimin e një epoke të re për njerëzimin, ku krijimi dhe ndarja e përmbajtjes është më e fuqishme se kurrë më parë./E.S
