Bayern ka nisur punën për merkaton e verës dhe po bëhet gati për një revolucion me transferime të bujshme.
Gazeta BILD shkruan se klubi bavarez po përgatit edhe largime, por ka një listë me lojtarët e konsideruar të pashitshëm nga klubi. Pra, ata që klubi nuk do t’i shiste as për oferta marramendëse mbi 150 mln euro. Kështu është shprehur Uli Hoeness para pak ditësh.
Lista nis me portierin lider Manuel Neuer, ndjekur nga lojtarët e klasit botëror të cilët kanë rinovuar së fundmi me paga të majme, Joshua Kimmich, Alphonso Davies dhe Jamal Musiala.
Më tej, lista e bavarezëve vazhdon me blerjen më të mirë të verës 2024, Michael Olise, anglezin Harry Kane dhe mesfushorin premtues gjerman, Aleksandar Pavlovic.
Në këtë listë përfshihej edhe francezi Upamecano, por situata ka ndryshuar totalisht javët e fundit. Bayern po mendon shitjen e tij në kampionatin anglez. m.p.
