Zyrtari më i lartë i sigurisë në Rusi, Sergei Shoigu, ka deklaruar se Rusia rezervon të drejtën për të përdorur armë bërthamore nëse sulmohet nga vendet perëndimore. Deklarata u bë në një intervistë për agjencinë shtetërore TASS.
Shoigu theksoi se ndryshimet në doktrinën bërthamore të Rusisë, të miratuara kohët e fundit, përforcojnë këtë qëndrim.
Këto komente vijnë në një moment tensioni, pasi Presidenti amerikan Donald Trump dhe zëvendëspresidenti J.D. Vance kanë paralajmëruar se SHBA mund të heqë dorë nga përpjekjet për një marrëveshje paqeje për Ukrainën, nëse nuk ka përparim së shpejti.
Shoigu, i cili më parë ishte Ministër i Mbrojtjes për më shumë se 10 vjet, tani drejton Këshillin e Sigurisë të Rusisë pas një riorganizimi të qeverisë vitin e kaluar. m.p.
