Cindy Marina ishte e ftuar së fundmi në “Miqtë e pasdites” në RTSH, ku ka zbuluar detaje nga jeta e saj profesionale dhe personale.
Në lidhje me dasmën ajo tha se preferon që detajet të mbeten private, ndërkohë që theksoi se do veçonte në lidhjen e saj me Genarin, besimin te njëri-tjetri, mirëkuptimin dhe vlerat e përbashkëta.
Lidhur me dëshirën për fëmijë ajo tha se patjetër që i pëlqen, por ende nuk është momenti i duhur. Idealja për të do të ishte një familje më 5 anëtarë, sikurse familja e saj aktuale.
Cindy foli gjithashtu për lidhjen e saj me volejbollin. Shtysën për këtë sport e ka marrë nga mami i saj, dhe ka qenë ajo që e ka shtyrë në moshën 11-vjeçare.
“Më ka dhënë shumë jetë. Është një sport shumë i bukur. Kam patur mundësinë të luaj në nivelet më të larta në SHBA dhe kam patur mundësinë të përfaqësojë Kombëtaren Shqiptare”, teksa zbuloi se 11 vite më parë prindërit kanë hapur një klub volejbolli në SHBA.
Një moment i bukur ishte kur në ekran u shfaq një mesazh nga vëllai i cili i dedikoi disa fjalë shumë të bukur./E.Ç
