Pas matjeve kombëtare në muajin Janar, Shkurt, Mars, Barometri i Euronews Albania ka zhvilluar matjen e katërt zgjedhore në nivel vendi.
Pyetja më thelbësore përpara zgjedhjeve të 11 majit ishte “Për cilën parti do të votonit nëse zgjedhjet do të mbaheshin sot”.
Përgjigjet në matjen e katërt në nivel vendi tregojnë se 42.6% e qytetarëve do të votonin Partinë Socialiste. 30% e tyre do të votonin Koalicioni Aleanca Shqipëria Madhështore drejtuar nga Sali Berisha.
Dhe, me radhë si më poshtë, 6% e qytetarëve do të votonin Koalicionin “Nisma Shqipëria Bëhet”, 5.6% “Partia Mundësia” 2.1% “Lëvizja Bashkë”, 0.7% Koalicionin Euroatlantik, 0.6% Partia Social Demokrate, 0.6% “Aleanca Kombëtare Shqiptare” 0.5% “Koalicioni Djathtas për Zhvillim”.
Ndërkohë 11% e qytetarëve janë të pavendosur për t’i dhënë përgjigje kësaj pyetjeje. Një pjesë e tyre tregojnë se nuk do të votojnë, një pjesë përgjigjen nuk e di ose refuzojnë të përgjigjen kësaj pyetjeje. m.p.
