Ter Stegen është rikthyer në listën e Barcelonës pas 215 ditëve. Sot janë publikuar emrat e përzgjedhur nga Flick, për sfidën “El Clasico” me Realin në Kupën e Mbretit. Gjithçka do të marrë jetë nesër në orën 22:00.
Kapiteni i katalanasve ka kaluar plotësisht dëmtimin e rëndë, që pësoi para se klubi të nënshkruante me Szczesny. Tashmë do të ketë konkurrencë mes Ter Stegen dhe polakut për një vend titullari.
Më parë, gjermani ishte startues i padiskutueshëm. Ndërkohë me Szczesny, Barça ka pasur një ecuri fantastike në vitin 2025. Te lista ndërkohë, siç pritej, mungon Lewandovski.
Aktualisht skuadra e Flick është në garë për tripleten. Kryesojnë kampionatin dhe do të luajnë në gjysmëfinalen e Champions përballë Interit./ D.C
