Një 38-vjeçar është shpallur në kërkim nga policia këtë premte, pasi dyshohet se ka goditur me sende të forta për shkak të detyrës punonjësen e OSHEE-s, Rubena Hasa, 37 vjeçe.
Rubena Hasa, me detyrë faturiste e Operatorit të Shpërndarjes së Energjisë Elektrike në Tiranë, u dhunua nga Spartak Cara pasi shkoi për të kontrolluar sahatin e energjisë në lokalin e këtij të fundit, në rrugën “Artan Lenja”,
Faturistja dyshohet se është sulmuar nga 38-vjeçari, menjëherë sapo është konstatuar.
Pavarësisht tentativave të saj për të treguar se kishte ardhur vetëm për të lexuar sahatin, 38-vjeçari e ka goditur në të gjithë trupin.
Hasa u dërguar pranë Spitalit të Traumës në kryeqytet dhe mësohet se është e ndërgjegjshme, por bluzat e bardha po e mbajnë në kujdes të vazhdueshëm. m.p.
