Çiklistët shpesh trajtohen si një nga grupet më të rrezikuara në trafik, por kjo, fatkeqësisht, nuk do të thotë se ata nuk mund të rrezikojnë të tjerët.
Çiklistët që vrasin këmbësorë për shkak të vozitjes së rrezikshme mund të përballen me burg të përjetshëm në Angli dhe Uells, sipas ndryshimeve të reja në Ligjin për Kriminalitetin dhe Policinë.
Sigurisht, kjo do të ishte masa maksimale, por gjithashtu hap mundësinë që dënimet për çiklistët të jenë më të rrepta.
Shkelja që shkakton viktima për shkak të vozitjes së rrezikshme me biçikletë do të rregullohet sipas ligjeve për vozitjen, sipas amendamenteve të paraqitura të enjten, njoftoi Ministria e Transportit. Vozitja e rrezikshme ose e pamenduar e biçikletës deri tani është dënuar me një dënim maksimal prej deri në dy vjet burg.
Deputetët në parlament e përshëndetën ligjin e ri. Matt Briggs, i cili humbi gruan e tij Kim (44 vjeçe), e cila u vra nga një biciklist para nëntë vitesh, tha për Telegraph se “pasi humba Kim në vitin 2016, vitin pasues fillova një fushatë për miratimin e këtyre ligjeve. Jam i kënaqur që qeveria laburiste ka pasur parasysh kërkesat tona për miratimin e legjislacionit të ri”.
Amendamentet janë kritikuar nga disa çiklistë. Chris Boardman, ish-çiklist olimpik dhe komisioner kombëtar për udhëtime aktive në Angli, tha se ligjet e reja mund të ndalojnë njerëzit të përdorin biçikletat. Pra, vozitja e pahijshme tani është një problem në Britaninë e Madhe. /e.t
