Prodhuesi italian i makinave luksoze “Ferrari” prezantoi sot automjete të reja hibride me një çmim fillestar prej 400.000 eurosh.
Këto janë versionet e reja të modeleve V6 296 GTB coupe dhe 296 GTS roadster, të cilat inxhinierët i kanë modernizuar, duke ua ulur peshën dhe duke ua rritur fuqinë dhe shpejtësinë.
Çmimi bazë i modelit 296 Speciale do të jetë 407,000 euro në Itali, ndërsa çmimi fillestar i modelit 296 Speciale A do të jetë 462,000 euro , raporton Yahoo.
Dorëzimet e para të 296 Speciale në Evropë priten në tremujorin e parë të vitit 2026, ndërsa 296 Speciale A do të vijnë tre muaj më vonë.
Coupe 296 Speciale është 60 kg më i lehtë dhe ka 49 kuaj fuqi shtesë, duke e çuar totalin në 868 kuaj fuqi.
Shpejtësia maksimale tejkalon 330 kilometra në orë, dhe përshpejtimi nga 0 në 100 kilometra në orë arrihet për 2.8 sekonda, tha “Ferrari”. m.p.
