Rikthimi i Keidi Bares dukej shumë pranë deri para një jave, por mesfushori shqiptar është i pafat. Ai nuk është grumbulluar me Real Zaragozën para derbit, për shkak se ka një dëmtim muskular dhe ka humbur sezonin.
“Pas rikthimit me skuadrën në javën e shkuar, Keidi shfaqi të njëjtin problem dhe iu nënshtrua testeve radiologjike. Mjekët konfirmuan se ka sërish probleme muskulare në këmbën e majtë”, njoftoi sot klubi spanjoll.
Mesfushori nuk ka luajtur që prej datës 8 mars. Problemet fizike e kanë shoqëruar tejmase gjatë këtij sezoni dhe gjithsej ka luajtur vetëm 21 ndeshje.
Shanset që të rikthehet para mbylljes së sezonit janë thuajse zero. m.p.
