Luis Enrique i gëzohet një fitoreje të çmuar në “Emirates”, e cila e bën më të lehtë detyrën e skuadrës së tij pas një jave në Paris.
“Ne e nisëm shumë shpejt me gol dhe dominuam 15 deri në 20 minutat e para. Deri atëherë, mund të kishim shënuar më shumë se dy gola të tjerë. Por më pas ishte Arsenali që dominoi. Ata krijuan më shumë raste se ne, por ne mund të kishim shënuar edhe dy gola të tjerë.
Donnarumma bëri disa pritje të shkëlqyera. Nuk ka mbaruar ende. Kjo ishte vetëm pjesa e parë. Kemi edhe të paktën 90 minuta të tjera dhe gjithçka mund të ndodhë. E patë sesi shkoi ndeshja e Arsenalit me Realin.
E dimë që janë një skuadër e nivelit të lartë dhe mund të fitojnë në çdo fushë. Por ne duam të shkojmë në finale dhe do të bëjmë çdo përpjekje për ta arritur këtë”, tha trajneri spanjoll./ D.C
